Noyabrın 30- da "Libraff" kitab evində gənc astroloq Aytən Salaminin "Astrologiyanı öyrənirəm" kitabının imza günü keçirilib.

Kitabla bağlı ətraflı məlumat verən müəllif ana dilimizdə astrologiya barədə mənbələrin az olduğunu, ona görə xarici mənbələrdən əldə etdiyi, həmçinin özünün araşdırdığı astroloji bilgiləri oxuculara çatdırmaq qərarına gəldiyini söyləyib.

Müəllif onu da qeyd edib ki, oxucular "Aastrologiyanı öyrənirəm" kitabı vasitəsilə göy üzünün sirlərinə yiyələnə və şəxsi doğum xəritəsini hazırlaya bilər.

Tədbirdə çıxış edənlər qalaktikamızda planetlərin hərəkəti, bürclərlə xarakterizə olunması, bu kombinasiyanın insan taleyinə təsiri və digər mövzuların da kitabda aydın dillə izah olunduğunu dilə gətiriblər.

Sonda Aytən Salami oxucuların suallarını cavablayıb.