Müğənni Sevda Əliqızı bu gün xəstəxanadan evə buraxılacaq.
Bu barədə BakuPress.Az-a tanınmış müğənninin özü məlumat verib. O, danışmaqda çətinlik çəkdiyini qeyd edib.
“Şükür, yavaş-yavaş sağalıram. Bu gün xəstəxanadan çıxacağam. İrəliləyiş, yəqin ki, olacaq. Cərrahi əməliyyatım yaxşı keçdi. Müalicələrim davam edəcək. Bir qədər ağrım var, ona görə danışmaqda çətinlik çəkirəm”.
Xatırladaq ki, müğənni Sevda Əliqızı bir neçə müddətdir ki, süd vəzisi xərçəngindən əziyyət çəkirdi. Milli Onkologiya Mərkəzində cərrahi əməliyyat olunub.
