Bakı-Sumqayıt yolunda qəza baş verib, xəsarət alanlar var - FOTO

Abşeron rayonunda minik maşını yük avtomobilinə çırpılıb.

BakuPress.Az xəbər verir ki, qəza Bakı-Sumqayıt yolunun Xırdalan şəhəri ərazisinə düşən hissəsində qeydə alınıb.

 

Emin Bağırov idarəetməsində olan “Ford” markalı yük maşınını yol kənarında saxlayıb. Eyni istiqamətdə hərəkətdə olan “Mercedes” markalı minik avtomobilinin sürücüsü sükana nəzarəti itirərək maşınını yol kənarında dayanan “Ford”a çırpıb.

E.Bağırov yüngül bədən xəsarətləri alıb. Hadisə yerinə Yol Patrul Xidmətinin əməkdaşları cəlb edilib. Müəyyən edilib ki, minik avtomobilinin sürücüsü və sərnişini də xəsarət alıb.

Fakt üzrə araşdırma aparılır.

 

0.05085301399231