Tanınmış müğənni və qarmon ifaçısı Hüseynəli Həsənov (Hüseyn Bakılı) vəfat edib.

BakuPress.Az xəbər verir ki, bu barədə teleaparıcı Hacı Nuran Hüseynov “Facebook” hesabında yazıb və onunla birlikdə çəkdirdiyi fotonu paylaşıb.

“Bu gün Azərbaycan qarmon ifaçılığında özünəməxsus xidmətləri olan Hüseyn Bakılı vəfat edib. Bakını o qədər sevirdi ki, ləqəbində də onun adını daşıyırdı. Qarmonu qədər ona sadiq olan dostu yox idi. Düz 50 il dostluq etdi onlar. Onu həmişə sağlam, gümrah görmüşdüm. Elə doğmaları da, yaxınları da onun heç bir xəstəliyi barədə eşitməyiblər. Ruhun şad olsun, gözəl insan”, - paylaşımda deyilir.