Türkiyədə İYİ Partiyanın baş katibi Uğur Poyraz partiyanın daxil olduğu "Millət İttifaqı"ndan danışıb.
BakuPress.az Türkiyə mətbuatına istinadən xəbər verir ki, baş katib ittifaqın bitdiyini bəyan edib.
"Millət İttifaqı" bir seçki bloku idi. Seçkilər başa çatdı 28 may tarixindən etibarən "Millət İttifaqı" bitmişdir", - deyə Poyraz bildirib.
Hələlik İYİ Partiyanın səlahiyyətli orqanlarından qurumun ittifaqı tərk etməsi barədə heç bir rəsmi qərar barədə məlumat yoxdur.
Qeyd edək ki, ittifaqa Cümhuriyyət Xalq Partiyası, İYİ Partiya, Səadət Partiyası, Gələcək Partiyası, Demokrat Partiya və DEVA Partiyası daxildir.
