Səhər yeməyindən maksimum fayda əldə etmək üçün onu doğru zamanda istehlak etmək lazımdır. Yaxşı səhər yeməyi sizi bütün gün enerji ilə təmin etməklə yanaşı, qanda şəkərin səviyyəsini sabit saxlayır, maddələr mübadiləsini və əhval-ruhiyyəni yaxşılaşdırır. 

BakuPress.Az xarici mətbuata istinadən xəbər verir ki, səhər yeməyi üçün ən yaxşı vaxt oyandıqdan sonra ilk iki saatdır. Bu o deməkdir ki, əgər erkən oyanırsınızsa, səhər yeməyini erkən yemək daha yaxşıdır. Çünki oyandıqdan dərhal sonra səhər yeməyi yemək maddələr mübadiləsini sürətləndirir.

Səhər yeməyi üçün ən yaxşı vaxt səhər saat 7-8 arasıdır. Səhər yeməyini vaxtında yeməyin bir çox faydası var. Səhər tezdən yemək nahara qədər tox qalmağınıza kömək edir, zehni ayıqlığı artırır, məhsuldarlığı artırır və daha yaxşı konsentrasiya və diqqəti təmin edir.