Xəbər verdiyimiz kimi, Rusiyada Azərbaycan əsilli məşhur reper Jah Xalibin (Bəxtiyar Məmmədov) konsertləri ləğv edilib.

BakuPress.az xəbər verir ki, pərəstişkarları qaytarılan biletlərin pullarını geri ala bilmirlər. Bu barədə "Shot" teleqram kanalı məlumat yayıb.

Şikayətçilərin sözlərinə görə, onları şablon sözlərlə aldadırlar. Belə ki, biletlərin satışını həyata keçirənlər məsuliyyəti konsert təşkilatçılarının üzərinə atırlar və pulu qaytarmaq istəmirlər.

Qeyd edək ki, Xalib aprelin 23-də və noyabrın 25-də Moskvada, aprelin 25-də isə Sankt-Peterburqda konsertlər verməli idi. Lakin “Ədalətli Rusiya” partiyasından olan Dövlət Dumasının deputatı Yana Lantratova ölkənin Baş Prokurorluğuna müraciət edərək konsertlərinin ləğvinə nail olub. Buna səbəb reperin Ukraynanı dəstəkləyən paylaşımları olub.

O, daha sonra növbəti paylaşım edərək, ukraynalılara təşəkkürünü bildirib. Onu da qeyd edək ki, Xalibin həyat yoldaşı İslamı qəbul etmiş ukraynalıdır.